Austri, Van der Bellen fiton zgjedhjet presidenciale, FPO pranon humbjen

Ekologjisti liberal, Alexander Van der Bellen është në avantazh të thellë përballë kandidatit të së djathtës ekstreme, Nobert Hofer në turin e dytë të zgjedhjeve presidenciale që u zhvilluan sot në Austri, sipas parashikimeve të televizionit publik austriak, ORF.

“Van der Bellen, 72 vjeç, ka marrë deri tani 53,6 për qind të votave dhe Hofer, 45 vjeç, 46,4 për qind”, tha ky televizion.

Partia e ekstremit të djathtë, FPO, e njohu humbjen e kandidatit të saj, Norbert Hofer.

“Dua të përshëndes Van der Bellen për këtë sukses”, tha sekretari i përgjithshëm i FPO-së, Herbert Kickl.