Bombardimi i maternitetin, Klitschko: Po vdesin me dhjetëra fëmijë, duke ikur nga lufta

Wladimir Klitschko vëllai i kryebashkiakut të Kievit, dënon ashpër bombardimin e maternitetit të Mariupolit nga forcat ruse ditën e sotme.

“Po më dhemb zemra. Po vdesin me dhjetëra fëmijë. Po vdesin në shtëpitë e tyre dhe duke iu larguar luftës”, thotë Klitschko në një video të postuar në Facebook.

“Këto janë rezultatet e operacioneve speciale të Putinit. Kur nuk vret engjëjt e vegjël, vret prindërit e tyre, gjyshërit dhe i shkatërron shtëpitë e shkollat. Sulmi ndaj fëmijëve është sulm ndaj jetës dhe ndaj vetë qytetërimit”, theksoi Klitschko.