Brazili ndërton statujën e re gjigande të Krishtit

Një statujë e re gjigande e Krishtit është duke u ndërtuar në jug të Brazilit, që do të ngrihet akoma më lart se monumenti i famshëm i “Krishtit Shërues” me pamje mbi Rio de Janeiro. Koka dhe krahët e hapura u shtuan kësaj jave statujës së re, e cila është duke u ndërtuar prej vitit 2019 në qytetin e Encantado.

Inaugurimi i monumentit pritet të bëhet këtë vit, sipas shoqatës së Miqve të Krishtit. “Është një ditë celebrimi, devorshmërie”,- thotë Gilson Conzatti, këshilltar bashkiak, i biri i Adroaldo Conzatti, politikani që dha i pari idenë.

Conzatti i vjetër, ka qenë më parë kryebashkiak i qytetit por vdiq në mars nga komplikacionet e Covid-19. Statuja e re do të quhet “Krishti Protektori” dhe do të ngrihet 43 metra e lartë megjithë pedestalin e tij, duke e bërë një prej statujave më të larta të Krishtit me krahë të hapura.

Ajo do të jetë e gjerë 36 metra nga njëra dorë te tjetra dhe do të ketë një ashensor të brendshëm dhe një platformë vështrimi afër majës.