Djegia e Kuranit, myslimanët në Suedi po mbrojnë autorin

Një politikan i krahut të djathtë dogji Kuranin në Suedi, dhe kjo ka sjellë reagime të shumta. Ervin Dushi, gazetar në Suedi thotë se politikanët në Suedi, sidomos krahu i majtë kanë dalë kundër këtij gjesti ndaj komunitetit mysliman.

Dushi tregoi se vetë komuniteti mysliman i kanë dalë në mbrojtje politikanit të djathtë, pasi nëse atij i ndodh diçka e keqe faji do i lihet myslimanëve.

”Janë vetë myslimanët që sot e mbrojtën atë që të mos i ndodhë diçka e keqe, që të mos u jepet shkas vendasve të mendojnë se komuniteti mysliman është i rrezikshëm. Nëse atij i ndodh diçka e keqe do u vihet faji myslimanëve dhe janë vetë ata që nuk duan të lejojnë t’i ndodhë, diçka për këtë arsye”,-tha për ”Euronews Albania”.