Emërohet kryeministri i ri në Francë

Presidenti i Francës, Francois Hollande, e ka emëruar sot Bernard Cazeneuve në postin e kryeministrit të vendit, deri në zgjedhjet e përgjithshme të muajit maj vitin e ardhshëm.

Cazeneuve, i cili ishte ministër i Brendshëm, do ta zërë vendin e Manuel Valls, i cili dha dorëheqje sot në mëngjes, pasi më herët shpalli kandidaturën për president të Francës, transmeton Express.

Ai do ta zgjedhë qeverinë më vonë, por nuk pritet të bëjë një riorganizim të madh të qeverisë për 5 muajt e mbetur të mandatit të qeverisë socialiste.

Cazeneuve, 53-vjeçar, njëri nga personat më besnikë të Hollande, në Francë nuk njihej në përgjithësi deri në vitin 2012 kur ishte emëruar zëdhënës i qeverisë.