Erdogan: Gjuha kërcënuese e SHBA-së nuk i vlen askujt

Gjuha kërcënuese e SHBA-së nuk i vlen askujt, ka thënë sot presidenti i Turqisë, Recep Tayyip Erdoğan .

Marrëdhëniet mes aleatëve të NATO-s u përeqësuan pas gjykimit të pastorit amerikan Andrew Brunson i cili është arrestuar në Turqi për lidhje me organizatat terroriste.

Erdogan u tha reporterëve në Ankara se Turqia nuk do të bënet kompromise sa i takon pavarësisë së gjyqësorit dhe shtoi: “Turqia nuk ka asnjë problem me pakicat fetare. Mirëpo, është e pamundur të pranojmë gjuhën kërcënuese të botëkuptimit evangjelist dhe sionist në Amerikë”, informon Reuters.

Gjithashtu presidenti tha se ministri i jashtëm turk, Mevlut Cavusoglu do të ketë takim me Sekretarin amerikan të Shtetit, Michael Pompeo në Singapor

Erdoğan ka kujtuar se Turqia ka qenë gjithnjë në solidaritet me SHBA-në në kuadër të NATO-s.

“Ne ishim bashkë me ta në Kore, luftuam bashkë me ta. Prandaj nuk është e hijshme të përdoret një gjuhë e tillë kërcënuese ndaj një Turqie që ka luftuar së bashku dhe ende është në solidaritet në nivelin më të lartë në NATO”, tha Erdoğan, duke shtuar se Turqia nuk i jep rëndësi të madhe kërcënimeve të tilla.

Kujtojmë se Brunson u transferua në arrest shtëpiak javën e kaluar, pasi ishte arrestuar në provincën e Izmirit në dhjetor të vitit 2016. Ai akuzohet për spiunazh për PKK-në, e njohur si organizatë terroriste në SHBA dhe Turqi, dhe organizatën terroriste FETO, e cila qëndron prapa tentativës për grusht shteti në korrik të vitit 2016.

SHBA është kërcënuar me sanksione nëse nuk lirohet pastori amerikan, ndërkohë që Turqia e ka quajtur këtë hap të SHBA-së si ndërhyrje në gjyqësorin e saj të pavarur, duke e kritikuar ashpër gjuhën kërcënuese të zyrtarëve amerikanë.