Europol paralajmëron: ISIS po planifikon sulme të reja në Europë

Europol ka paralajmëruar se militantët e Shtetit Islamik ISIS do të kryejnë një sërë sulmesh në Europë. Paralajmërohet se këto sulme do të jenë më të forta.

Sipas Europol, kjo do të jetë një lloj hakmarrje e tyre pas humbjeve të një pas njëshme në Lindjen e Mesme.

Sipas forcave policore europiane shumë luftëtarë do të përpiqen që të kthehen në Europë, ndërsa dhjetëra të tjerë mendohet se janë brenda kontinentit.

Taktikat e ndjekura nga ata do të jenë shpërthime me bombë apo edhe rrëmbime. Veç kësaj, një tjetër shqetësim që ngrihet lidhet me faktin se refugjatët sirianë në Europë mund të bashkohen me grupin Islamik ISIS. Së fundmi Europa është tronditur nga një sërë sulmesh nga militantët e ISIS.