Francë – Rihapet salla e koncerteve Bataclan, një vit pas sulmeve në Paris

Salla e Koncerteve Bataclan në Paris, e cila ra pre e sulmeve terroriste një vit më parë është rihapur ditën e shtunë. Salla u hap me një performancë nga artisti britanik Sting.

Ai i tha audiencës, mes tyre edhe të mbijeturave nga sulmi se ata duhet të nderonin të ikurit dhe të festonin jetën.

Ndërkohë u mbajt edhe një minutë heshtje në sallën tashmë të rinovuar për të përkujtuar viktimat e sulmeve që u morën përsipër nga Shteti Islamik.

Ndërkohë hapja e Bataclan u shoqërua me masa të rrepta siguri dhe forca të shumta policie.

Sulmet terroriste në Bataclan ndodhën në 13 nëntor 2015 dhe mbetën të vdekur rreth 90 persona.