Konfirmohet, 36 të vdekur nga rrëzimi i aeroplanit në Pakistan

Gjenden 21 trupa pas rrëzimit të avionit në Pakistan Një aeroplan pakistanez që kishte në bord 47 persona është rrëzuar në pjesën veriore të Pakistanit, rreth 70 km në veri të Islamabadit, njoftojnë zyrtarët.

Ekipet e shpëtimit janë ende duke kërkuar në zonën ku është rrëzuar aeroplani, por mbetet ende e paqartë nëse ka të mbijetuar.

Ndërkohë, Reuters, duke e cituar një zyrtar të sigurisë raporton se është pak e besueshme që të ketë të mbijetuar.

Ushtria pakistaneze tha përmes një komunikate se deri më tani janë gjetur 36 trupa. Rreth 500 ushtarë kanë arritur në vendin e ngjarjes, krahas ekipeve mjekësore. Aeroplani fluturonte nga qyteti pakistanez, Chitral për në kryeqytet.