Konfirmohet: Shpërthimi në kufirin SHBA-Kanada nuk lidhet me terrorizmin

Një makinë u përplas me shpejtësi dhe shpërtheu në një top zjarri vdekjeprurës pranë një urë kufitare midis SHBA-së dhe Kanadasë, duke ngjallur kështu një një ndjenjë të madhe pasigurie në prag të Ditës së Falënderimeve.

Dy personat në automjet vdiqën ndërsa një agjent kufitar amerikan u plagos. Deri më tani autoritetet përjashtojnë mundësin e një akti terrorist.

Makina po lëvizte nga ana e kufirit të Nju Jorkut në “Rainbow Bridge”  kur u përplas në një pikë kontrolli.

Incidenti pranë Ujëvarës së Niagarës solli mbylljen e katër urave në kufirin më të gjatë ndërkombëtar në botë.

Shpërthimi ndodhi rreth orës 11:30 me orën lokale (16:30 GMT) të mërkurën, duke shkaktuar ndërprerje serioze në një nga ditët më të ngarkuara të udhëtimit të vitit, në prag të festës së Falenderimeve në SHBA.

Shërbimet e trenave midis Nju Jorkut dhe Kanadasë u ndërprenë përkohësisht dhe oficerët në aeroportet Buffalo dhe Niagara Falls hynë në një gjendje të lartë alarmi duke kontrolluar makinat për eksplozivë.

Incidenti ngjalli frikën e një sulmi të mundshëm terrorist dhe spekulimet e pabaza u përhapën në internet në lidhje me një kërcënim të supozuar për Paradën e Ditës së Falenderimeve të Macy në New York City.

Si presidenti i SHBA Joe Biden, i cili ndodhet në Masaçusets për Ditën e Falënderimeve, ashtu edhe kryeministri i Kanadasë, Justin Trudeau, u informuan shpejt për incidentin.

Trudeau u shfajësua nga Periudha e Pyetjeve në Dhomën e Komunave dhe tha se qeveria e tij po e merrte incidentin “seriozisht”.

Si masë paraprake, zyrtarët përdorën kamionë për të bllokuar hyrjen kanadeze në Urën e Rainbow, e cila lidh Ontarion me Nju Jorkun dhe qytetin amerikan të Niagara Falls me Niagara Falls, Kanada.

Disa orë pas shpërthimit, pati lehtësim kur guvernatori i Nju Jorkut Kathy Hochul u tha gazetarëve: “Bazuar në atë që dimë në këtë moment, nuk ka asnjë shenjë të aktivitetit terrorist në lidhje me këtë përplasje.”