Korea e Veriut “bombardon dhe zhduk” me raketa bërthamore një qytet të SHBA-ve (VIDEO)

Paranoja, por edhe propaganda e Koresë së Veriut ka arritur në një shkallë shumë të avancuar këto kohët e fundit pas tensioneve me Shtetet e Bashkuara të Amerikës.

Ndërkohë që një kor ushtarak ishte duke kënduar këngë patriotike në nder të gjyshit të diktatorit të sotëm Kim Jong Un, në videon që shoqëronte këngën në një teatër në Penian u shfaqen pamje të disa raketave bërthamore që nisen nga Korea e Veriut duke shkatërruar një qytet të Shteteve të Bashkuara të Amerikës.

Në fund të videos propagandistike, përshendeti Kim Jong Un ndërkohë që të pranishmit brohoritën dhe duartrokitën “bombardimin” e Amerikës.