Kriza, Maqedonia: Zgjedhje të parakohshme më 5 qershor

Kryetari i Kuvendit të Maqedonisë, Trajko Veljanoski shpalli sot zyrtarisht zgjedhjet më 5 qershor. Ai ka nënshkruar vendimin për shpalljen e zgjedhjeve të parakohshme.

“Bazuar në kompetencat e mia kushtetuese dhe ligjore dhe në përputhje me vendimin për të shpërbërë Parlamentin, sot nënshkruajta dekretin për caktimin e zgjedhjeve të parakohshme për deputetë që do të mbahen më 5 qershor 2016. Vendimi për shpalljen e zgjedhjeve e kam dorëzuar në Komisionin Shtetëror të Zgjedhjeve të Republikës së Maqedonisë si organ për zbatimin e zgjedhjeve, te Ministria e Drejtësisë dhe Ministria e Punëve të Jashtme “, thuhet në deklaratën e dërguar mediave.

Ai veç tjerash ka shprehur bindjen se zgjedhjet do të mbahen në një atmosferë të qetë dhe demokratike.