Kryeministri kanadez shpërthen në lot pasi ribashkohet me refugjatin sirian (VIDEO)

Justin Trudeau kryeministri i Kanadasë është një ndër njerëzit e pushtetit të cilët vërtet vlejnë për t’u marrë shembull.

Në një takim të tij me një familje të ardhur nga Siria në Kanada, ai nuk ka mundur të përmbahet dhe ka derdhur lotë bashkë me familjen siriane.

Trudeau personalisht i mirëpriti në aeroport refugjatët që mbërritën në Kanada vitin e kaluar, si dhe u dhuroi pallto dimri.

Ndërsa të hënën, ai i takoi disa nga refugjatët që janë vendosur në Kanada në një restorant në Tornoto, raporton transmetuesi kanadez, CBC.

Vanig Garabedian dhe familja e tij mbërritën në Toronto pasi që kishin ikur nga qyteti i shkatërruar nga lufta në Siri, Aleppo, dhjetorin e vitit të kaluar.

Vanig ishte mirëpritur nga Trudeau vitin e kaluar, ndërsa të hënën u takuan përsëri, në një takim që ishte emocional për kryeministrin kanadez.

“Të të shoh sot këtu, i thashë vetes se nuk do të emocionohesha por është një moment i mrekullueshëm dhe reflektim i asaj se çfarë është e mira për Kanadanë, “Trudeau i ka thënë Vanigit.