Kulla Bangkok CentralWorld përshihet nga flakët, vdesin tre persona, plagosen 7 të tjerë

Një zjarr i fuqishëm ka përfshirë hotelin “Centara Grand Hotel” në kullën Bangkok CentralWorld, në Tajlandë.

Mediat e huaja raportojnë se si pasojë e flakëve, ndonëse grupet e shpëtimit janë angazhuar, kanë humbur jetën tre persona, të cilët në tentativë për të shpëtuar janë hedhur nga një lartësi e konsiderueshme.

Gjithashtu edhe 7 persona kanë mbetur të plagosur.

Mësohet se në momentin e shpërthimit të flakëve kulla ishte shumë e populluar dhe gjatë aksionit të policisë për të ndërhyrë një officer është asfiksuar dhe është dërguar në spital ku ka marrë dhe trajtimin e nevojshëm.

Një shef i policisë lokale tha se zjarri shpërtheu në një depo dokumentesh në katin e tetë të hotelit.

Centara Grand Hotel është hoteli kryesor i CentralWorld, kompleksi më i madh 11 i blerjeve në botë.