Makinë-bombë para ambasadës amerikane në Shkup?!

Ambasada e SHBA-ve në Shkup mbrëmë ka ngritur alarmin për një makinë të dyshuar me eksploziv pranë saj. Rasti është alarmuar rreth orës 18.00, kur nga kjo ambasadë është thirrur Ministria e Brendshme, e cila është informuar se para hyrjes ishte parkuar një makinë, që pas kontrollit nga dedektorët e ambasadës ka rezultuar pozitivisht për eksploziv.

Sipas portalit Nova, MPB menjëherë ka dërguar ekipin e antiterrorit dhe kanë marrë veturën për hetim të metejshëm. Policia ka ndërhyrë te Ambasada amerikane dhe ka bllokuar rrugët për aty.

Ndërkaq, Ambasada amerikane nëpërmjet profilit të vet ka lajmëruar se sonte nuk do mund të kontaktoni me të nëpërmjet operatorëve vendorë dhe se të gjitha komunokimet mund të bëhen nëpërmjetë linjës së ambasadës.