Maroku ndalon martesën e detyruar dhe dhunën seksuale

Ligji i Marokut që penalizon dhunën ndaj grave, ka hyrë në fuqi.

Ligji përfshin ndalimin e martesës së detyruar dhe të ngacmimit seksual në vende publike dhe parasheh dënime më të ashpra për forma të caktuara të dhunës, raporton BBC.

Ai është kritikuar nga organizata ndërkombëtare për të drejtat e njeriut Human Rights Watch për mungesën e kriminalizimit të qartë të përdhunimeve martesore dhe mungesën e një përkufizimi të saktë të dhunës në familje.

Një studim i Qeverisë në Marok ka zbuluar se 63% e grave ndërmjet moshës 18-65 vjeç kanë qenë viktima të dhunës.