Menduh Thaçi: Një shqiptar për Zv.kryeministër – dhe një Kryeministër për shqiptarët

Maqedonia e Veriut është në prag të zgjedhjeve të reja dhe pothuajse sa herë ka zgjedhje atje, bashkë me fituesin duket sikur vendoset e ardhmja – literalisht e ardhmja. Në Maqedoni zgjedhjet nuk nënkuptojnë veç rrotacion politik, por edhe rrotullim vendimtar të historisë. Gjithashtu, sa herë ka zgjedhje në Maqedoninë e Veriut, ato janë shansa e shqiptarëve atje për të lëvizur nga vendi – për të realizuar vetën e përmes vetes shtetin,shkruan Insajderi. Për këtë nevojitet vizion. Vizion që Menduh Thaci, kryetar i Partisë Demokratike Shqiptare thotë se e ka, por “jetësimi i këtij vizioni varet nga vota e shqiptarëve për PDSH-në”. Kjo është intervista e plotë e Menduh Thaçit para zgjedhjeve në Maqedoni nga Insajderi.

PDSH është partia më e vjetër shqiptare në Maqedoninë e Veriut, por megjithatë mbështetja e saj politike duket se është zbehur ndjeshëm. Çka mund t’i ofrojë Menduh Thaçi dhe PDSH Maqedonisë së Veriut dhe shqiptarëve këtu në zgjedhjet e korrikut?