Në Greqi zbulojnë dukurinë e rrallë të shpejtësisë së erës në vatrën e zjarreve (VIDEO)

Greqia është një nga rajonet më të prekura nga zjarret që nga dita e djeshme. Autoritetet helene kanë zbuluar një aktivitet të rrallë në vatër. Sipas Observatorit të Athinës, zjarri ka krijuar mikroklimën e vet në vatër duke bërë që të mos ketë nevojë për erëra të forta për tu zgjeruar. Sipas ekspertëve, kjo është një ngjarje e rrallë ku një vatër zjarri “vetëmjaftohet” me rrymat ajrore që krijohen brenda saj për tu fuqizuar.

Nga matjet e bëra rezulton që ndërkohë që në zonë era kishte një shpejtësi prej rreth 6 km/h ajo rritej ndjeshëm pranë vatrës së zjarrit duke shkuar deri në 20 km/h, gjë e cila sipas ekspertëve po bën që vatra të zgjerohet edhe pse nuk ka erëra të forta në zonë. Vatra kryesore është ajo e Varybobi, në afërsi të Athinës. Mbi 80 shtëpi janë shkrumbuar nga flakët dhe mijëra ha tokë janë djegur.