Nga myslimanë po konvertohen në të krishterë (FOTO)

Gjithnjë e më shumë refugjatët po konvertohen nga besimtarë myslimanë në të krishterë, sapo ata vendosen në Gjermani, kanë zbuluar kishat.

Së fundmi, tre refugjatë u pagëzuar në kishën ungjillore “Freikirchlichen” në Berlin. Matthias Linke, prift i pyeti ata: “A besoni nga thellësia e zemrës tuaj se Jezu Krishti është Zoti dhe Shpëtimtari juaj, dhe ju do ta ndiqni atë çdo ditë të jetës tuaj?”

Ata të gjithë u përgjigjën me “po” në gjermanisht, pohon agjencia e lajmeve AFP. Dhe pas kësaj përgjigje, ata zhyten në një pellg pagëzimi. Më pas anëtarët e asamblesë kënduan, duartrokitën dhe përqafuan anëtarët e tyre, tashmë të rinj.

“Shumë prej tyre vijnë në Gjermani dhe mendoj se, këtu ata mund të zgjedhin fenë dhe zgjedhin një fe të lirisë”,- tha z Linke.

“Për shumë iranianë që unë kam pagëzuar, krishtërimi është feja e lirisë”,- u shpreh Felix Goldinger, një prift katolik. Ai deklaroi edhe se shumë prej refugjatëve që ai ka pagëzuar vijnë nga Irani dhe Afganistani, si dhe nga Siria apo Eritrea.

Adel, një refugjat 25-vjeçar irakian, tha se ai kishte frikë nga reagimi i refugjatëve të tjerë myslimanë ku edhe vëllai i tij u përpoq për të parandaluar atë të kontaktonte me miqtë të krishterë. Pas konvertimin në krishterim, ai i tha Berliner Morgenpost se, “ishte dita më e lumtur e jetës sime”.

Numri i konvertimeve nuk është zyrtarizuar, por fenomeni ka nisur në vitin 2013, kur një manual mbi pagëzimin mbi azilkërkuesit u liruam nga kisha ungjillore e Gjermanisë (EKD).

Disa nga të konvertuarit u prezantuan për herë të parë në rrugë për Europë, ndërsa të tjerët kishin tentuar më parë për të ndjekur fenë në vende si Irani, ku besimi është i kufizuar apo persekutuar. Por gjithësesi, sipas burimeve ekziston shqetësimi se konvertimi mund të motivohen nga besimi se ajo do të rrisë mundësinë e azilit në Gjermani, ku krishterimi është feja dominante.

Përshtati: Redjon Shtylla/Koha Jonë