Një person hedh veten në erë në një fushë futbolli në Belgjikë

Një person i cili dyshohet se mbante një rrip me eksploziv ka hedhur veten në erë në një fushë futbolli në Verviers të Belgjikës. Autoritetet thanë se personi që mbantë eksplozivin ishte viktima e vetme e kësaj ngjarje.

Personi ka shpërthyer eksplozivin rreth orës 9 të mëngjesit të së martës.

Policia thotë se ende nuk e njeh identitetin e tij dhe as nuk kanë krijuar një motiv për sulmin vetëvrasës.

Policia ka rrethuar zonën ku ndodhi ngjarja, ndërsa ka mbyllur edhe qarkullimin e mjeteve.