Një ushtri e re nën drejtimin e BE-së? Ja si do funksionojë!

Brukseli ka hedhur një hap më pranë krijimit të një ushtrie të BE-së. Eurodeputetët kanë debatuar e ku kanë bërë thirrje për një “Ushtri të BE-së”.

Ushtria do të financohet nga 28 shtetet anëtare, duke përfshirë Britaninë, e cila do të jetë e detyruar të paguajë, edhe pse da dalë nga blloku. Duke folur në Strasborg, Urmas Paet tha se ushtria duhet të bëhet një realitet “pa vonesa të mëtejshme”.

Aleanca e Liberalëve dhe Demokratëve tha: “Gjendja e sigurisë Europiane është rritur gjithnjë e më shumë. BE-ja, në mënyrë për të mbrojtur veten dhe për të rritur sigurinë, duhet të bëjë më shumë”. Ai paralajmëroi se shumë shtete anëtare kanë ulur madhësinë e ushtrisë së tyre për shkak të shkurtimeve, ndërsa BE-ja si një e tërë ka mbetur e pavarur nga NATO dhe “solidariteti SHBA”.

Paet tha: “Nesër BE-ja voton për raportin. Rekomandimet e mia personale janë për tu shpenzuar dy për qind të PBB-së të çdo shteti anëtar në mbrojtje”.

Ai bëri thirrje për një “Ushtri Shengen”, duke i dhënë ushtarëve të Ushtrisë së BE-së të drejtën për të lëvizur lirisht në të gjithë bllokun. Ai tha:”Lëvizja e forcave të mbrojtjes është e mundimshme, burokratike. E ashtuquajtura “Ushtria Shengen” duhet të krijohet. Vendet e BE-së duhet të caktojë qëllimin e shpenzimeve si dy për qind të GDP-së së tyre në mbrojtje, ashtu siç bëjnë edhe si anëtarë në NATO. Europa mund dhe duhet të mundësojë pa vonesa të mëtejshme një dimension mbrojtjes”.

Koncepti i një ushtrie të BE-së ka kohë që shprehur nga eurodeputetët, edhe pse ka qenë shuplakë periodike nga Britania e Madhe. Por me daljen Britanisë nga BE-ja, Brukseli ka një mundësi për të nxitur përmes propozimit madje edhe për të fajësuar Brexit për domosdoshmërinë e ushtrisë së BE-së.

Raporti zbulon edhe se: “Në një kohë kur mbështetja publike për BE-në po vihet në dyshim në disa shtete anëtare, të mbrojtjes dhe mbi sigurinë, përfitimet individuale dhe kolektive mund të demonstrohet lehtë, sidomos në lidhje me sfidat e mundshme të BE-së si një aktor strategjik në vijim të Brexit”.

Megjithatë, Britania nuk është i vetmi vend që ka kundërshtuar drejtimin militarist të BE-së. Konstantinos Papadakis tha se perspektiva e një ushtrie të BE-së ishte një “rrezik” dhe në fakt mund të çojë në një luftë. Konstantinos Papadakis është një politikan grek. Në vitin 2014, ai u zgjodh në Parlamentin Europian për të përfaqësuar Partinë Komuniste të Greqisë.

Ai tha: “Krijimi i një politike të mbrojtjes Europiane me një ushtri evropiane në kuadrin e NATO-s paraqet rrezik për BE-në. E ashtuquajtura  “Ushtria Shengen” do të ishte një zhvillim i rrezikshëm. Ajo është një proces i përgatitjes për luftë në BE”.

Eurodeputetët do të votojnë për propozimin nesër.

Përshtati: Redjon Shtylla