Protesta e rrallë e foto-reporterëve

Kur Japonia dhe Koreja e Jugut nënshkruan një pakt për inteligjencën ushtarake javën e shkuar, autoritetet vendosën që nënshkrimi i marrëveshjes të bëhej pa praninë e mediave.

Të pakënaqur me këtë vendim, fotoreporterët vendosën të protestojnë, duke lënë përtokë aparatet e tyre dhe kamerat.

Ambasadori japonez Yasumasa Nagamine mbërriti në mënyrën thuajse të fshehtë në Ministrinë e Mbrojtjes së Koresë së Jugut në Seul. Megjithatë, organizatorët bënë një kthesë minutën e fundit, duke lajmëruar gazetarët.

Të indinjuar, ata shkuan në takim por nuk filmuan dhe as nuk fotografuan duke bojkotuar nënshkrimin e marrëveshjes.

Fotoja e tregon qartë aktin. Qeveria u detyrua të publikonte një foto të ambasadorit në faqen e Ministrisë së Mbrojtjes, ndërsa përkrah tij ishin gazetarët e indinjuar.

/Ora News/