Pse ngjyra “lejlja” e Hillary Clinton trullosi Trump, ja mesazhi (FOTO)

“Detajet bëjnë diferencën”, kjo shprehje për Hillary Cliton, vlen shumë. Sidomos pas humbjes në garën presidenciale. Në fjalimin e njohjes së rezultatit, pranimit të humbjes dhe urimit të Donald Trump, Hillary dhe Bill Clinton, mesazhin më të fortë për amerikanët duket se e kanë përçuar përmes veshjes.

Ish-Sekretarja e Shtetit dhe ish-Presidenti i Shteteve të Bashkuara dolën në krah të njëri-tjetrit me simbolikën “lejlja”.

Xhaketa me jakat dhe bluza poshtë lejla e Hillary-t, kombinohej me kravatën po me të njëjtën ngjyrë të bashkëshortit të saj, Bill.

Po pse pikërisht kjo ngjyrë? Nëpër rrjetet sociale e kanë interpretuar si një mesazh bashkimit për amerikanët, pasi lejlaja është ngjyra që prodhohet nga bashkimi i së kuqes republikane dhe blusë së demokratëve.