Putin: Trump e pranoi që marrëdhëniet SHBA-Rusi duhet të forcohen

Presidenti rus Vladimir Putin tha të mërkurën se ai kishte folur së fundmi me presidentin e zgjedhur amerikan Donald Trump dhe se opinionet e tyre ishin të ngjashme për sa i përket marrëdhënies mes dy kombeve.

Në një fjalim gjatë një konferece për politikat e jashtme të zhvilluar në Moskë, Putin tha se gjatë bisedës së fundit telefonike me Presidentin amerikan Trump, ky i fundit kishte pranuar që është e nevojshme që marrëdhëniet mes Rusisë e SHBA-së të forcohen.

“Në vitet e kaluara, fatkeqësisht, ne e dimë se marrëdhëniet Rusi-SHBA kanë degraduar. Por kjo jo për fajin tonë,” tha Putin.

“Me arritjen e një Presidenti të ri në krye të Shteteve të Bashkuara të Amerikës, ne do të na pëlqente të besonim në mundësinë për të zbutur marrëdhëniet, që janë aq të rëndësishme jo vetëm për popujt e dy vendeve, por për të gjithë stabilitetin dhe sigurinë ndërkombëtare,” shtoi Presidenti rus.

Marrëdhënia mes Trump dhe Putin është diskutuar edhe gjatë fushatës elektorale kur Donald u shpreh se e shihte Putin si një lider dinjitoz.