Shteti Islamik merr përgjegjësinë për vrasjen e një gazetari afgan

Një grup i afërt me grupin militant Shteti Islamik ka marrë përgjegjësinë për vrasjen e një gazetari afgan në provincën Kost. Gazetari Sultan Mahmoud Khirkwa, 60-vjeçar u qëllua në kokë nga një person i armatosur në kryeqytetin e provincës Kost.

Khirkhwa punonte për televizionin privat, Zeman. Personi që e ka sulmuar gazetarin, raportohet se është vrarë. Khirkhwa është gazetari i katërt i vrarë në Afganistan, vetëm gjatë këtij viti.

Një javë më parë, gazetari tjetër televiziv, Nisar Ahmad Ahmadi u vra nga shpërthimi i një makine-bombë në provincën Helad. Grupi rajonal, i quajtur Komiteti për Sigurinë e Gazetarëve, lëshoi një apel më 16 mars, ku i bëhej thirrje Qeverisë që të bëjë më shumë për të mbrojtur gazetarët me Afganistanin.