Spanja fut me forcë Islamin në shkolla

Një vendim i çuditshëm është konsideruar ai i qeverisë spanjolle për të futur me detyrim mësimin e Islamit në shkolla.

Vendi iberik heq petkun e identitetit të krishterë të ruajtur për shekuj të tërë, për t’u rikthyer te Islami, shumë shekuj pas ekspansionit islamik të viteve ‘700.

Një muaj më parë Ministria e Edukimit në Spanjë ka publikuar guida në gazetën e saj zyrtare. Këto guida mësojnë se si fëmijët të largohen nga terrorizmi duke marrë anën e moderuar të Islamit.

Sipas këtyre guidave, fëmijët parashkollorë të moshës 3 deri 6 vjeç duhet të mësojnë “Shahadan” dhe që nuk ka zot tjetër veç Allahut dhe profetit të tij Muhamedit.

Shahada është hyrja në Islam, e cila bëhet duke përsëritur lutjen tre herë para një dëshmitari.

Qeveria spanjolle ndërkohë ka autorizuar organizatat islamike të përgatisin librat dhe programet që do të studiohen në shkollat publike.

Madje këto organizata do të zgjedhin edhe mësuesit fetarë në shkollat publike.