Stuhia “Elsa” përfshin Europën, ndërrojnë jetë 6 persona

Stuhia “Elsa” ka pushtuar gadishullin Iberik, Italinë dhe Francën jugore duke u marrë jetën 6 personave dhe ka shkaktuar dëme të shumta.

Mijëra njerëz janë evakuuar, në disa zona ka patur probleme me furnizimin e energjisë elektrike ndërsa erërat e forta, shirat e dendur dhe përmbytjet kanë shkaktuar një situatë kaotike.

Stuhia “Elsa” goditi Europën Jugore ditën e mërkurë dhe së fundmi përmbytjet janë shtuar. Meteorologët parashikojnë se ajo do të pasohet nga një stuhi e dytë, e quajtur “Fabien”.

Situata paraqitet alarmante edhe në Venezia ku pritet një tjetër përmbyjtje.

Stuhia Fabien pritet të shkaktojë shpejtësi edhe më të larta të erës.