Stuhia godet Stambollin: Rrëzohen pemë, çati dhe shkatërrohen makina

Qyteti më i madh i Turqisë, Stambolli, u godit nga një stuhi e rëndë, me pemë dhe çati të rrëzuara.

Stuhia filloi me reshje të dobëta shiu në pjesën evropiane të Stambollit duke përfshirë Sultangazi, Gaziosmanpasa, Bakrköy, Basslar, Beyoslu, Kassthane, Bayrampasa dhe Esenler.

Era e fortë rrëzoi edhe pemë, ndërkohë u angazhuan autoritetet për normalizimin e situatës.

Disa shërbime të trageteve në qytet janë anuluar për shkak të erës së fortë, theksuan operatorët lokalë.

Kompania e Autobusëve të Detit të Stambollit tha se anuloi disa shërbime, duke përfshirë linjat midis provincave të Stambollit dhe Bursës.