U fut të vidhte makinën, hajduti lë pas si “dhuratë” certifikatën e lindjes

Një i ri që u përpoq të vidhte një makinë ka lënë pas mjete identifikimi si “dhuratë” për policinë.

19-vjeçari Kian Talty u pikas ndërkohë që mundohej të vidhte një makinë pasi kishte hyrë me forcë në një shtëpi në Edmonton.

Incidenti raportohet të ketë ndodhur të hënën gjatë natës.

Talty u kap shumë shpejt nga policia pasi, pa dashje, kishte lënë pas një çantë të tijën ku mbante celularin, certifikatën e lindjes si dhe disa dokumente të tjera.

Prokurorja Natalie Keys e përshkroi aktin si ‘jashtëzakonisht amator’, raportoi The Cairns Post.

I riu u shpall fajtor për grabitje dhe për përdorim të paligjshëm të një automjeti në Gjykatën e Magjistraturës në Cairns të martën.

19-vjeçari ka precedentë të mëparshëm penalë, shumica nga vitit 2017, kryesisht për vjedhje.