Vdekja e Prigozhin, Boris Johnson: Putin mund te ketë gisht në këtë ngjarje

Ish kryeministri i Mbretërisë së Bashkuar Boris Johnson ka hedhur akuza duke pretenduar se presidenti rus Vladimir Putin mund te kete gisht ne vrasjen e shefit te Ëagner Yevgeny Prigozhin.

“Nuk mund të ketë kaluar më shumë se disa sekonda midis shpërthimit në bordin e avionit dhe momentit që Prigozhin ndërroi jetë, dhe në atë çast jam i sigurt se ai e dinte me qartësi të se çfarë kishte ndodhur.

Unë do të vë bast se mendimi i fundit në mendjen e Prigozhin ishte ‘Putin!’, i paraprirë nga një nga sharjet e shumta në të cilat ish-mercenari dhe shitësi i hotdog-ëve ishte kaq i rrjedhshëm”, shkruan ish kryeministri i Britanisë së Madhe.

Shkaqet e rrëzimit të avionit ku mbeti i vrarë shefi i mercenarëve mbeten të paqarta, por zyrtarë të inteligjencës amerikane dhe britanike besojnë se ishte qëllimshme.