Nga Jeremy Samuel Faust & Angela L. Rasmussen
Shpërndarja e vaksinave kundër koronavirusit të ri në Shtetet e Bashkuara po ndodh më në fund me një ritëm shumë të lartë, me administrimin e mbi 2 milionë dozave në ditë. Shumë shpejt vaksinat do të jenë në dispozicion për të gjithë të rriturit që i dëshirojnë ato. Synimi i ardhshëm janë fëmijët.
Nëse duam që të kemi shumë pak raste me Covid -19 dhe t’i japim fund pandemisë, kur të vijë koha për t’i vaksinuar ata, duhet të tregojmë një emergjencë dhe shkallë të njëjtë koordinimi të përpjekjeve për të realizuar me shpejtësi vaksinimin e tyre.
Aktualisht, kërkesa për vaksina në mesin e të rriturve tejkalon sasinë që është në dispozicion. Por ka arsye të shqetësohemi që tani se kur të autorizohet vaksina edhe për fëmijët, nivelet e vaksinimit tek ata do të jenë fillimisht shumë më të ulëta, dhe do të rriten më ngadalë sesa tek të rriturit.
Kjo për shkak se fëmijët kanë shumë më pak gjasa sesa të rriturit që të shtrohen në spital me Covid -19, dhe vdekjet nga kjo sëmundje janë shumë të rralla. Prindërit mund ta pyes veten:Nëse Covid -19 është relativisht i padëmshme për fëmijët, pse duhet të nxitoj që t’i vaksinoj ata?
Një arsye për t’i vaksinuar sa më shpejt fëmijët, është fakti se ai ia vlen qoftë edhe për një numër të vogël por kritik rastesh me Covid -19 në mesin e fëmijëve. Barra e efekteve të gjata të Covid -19 tek fëmijët – duke përfshirë rastet e rralla por serioze të sindromës inflamatore – mbetet e paqartë, sidomos pasi shumë asimptomatikë po preken nga infeksione që mbeten pa u diagnostikuar.
Por arsyeja më e rëndësishme dhe më pak e njohur pse duhet të vaksinohen sa më shpejt të gjithë fëmijët, është mundësia që virusi do të vazhdojë të përhapet dhe të shndërrohet në mutacione edhe më të rrezikshme, përfshirë edhe ato që mund të dëmtojnë si fëmijët ashtu edhe të rriturit
Variante shqetësuese janë identifikuar tashmë në Britani, Afrikën e Jugut, Brazil dhe Kaliforni, dhe janë duke u ndjekur nga afër nga epidemiologët. Disa prej tyre duken shumë më infektivë se versionet e mëparshme, dhe tek njëri prej tyre – B.1.1.7, për herë i parë vërejtur në Britani – duket se shkaktojë një rritje të rrezikut të vdekjes nga Covid -19. Deri më tani, duket se vaksinat funksionojnë ende mirë kundër tyre. Por mund të mos jemi aq me fat me variantet e ardhshme. Viruset pësojnë mutacione teksa vijojnë që të përhapen.
Sa më shumë infeksione ka, aq më të mëdha janë shanset që një koronavirus të pësojë mutacion. Kjo rrit edhe gjasat e lindjes së një varianti të ri shumë më të rrezikshëm. Këto të fundit që shkaktojnë më shumë forma të rënda të sëmundjes tek fëmijët, ka të ngjarë të kenë dalë nga vetë fëmijët, sidomos tani që të rriturit janë duke u bërë më pak mikpritës të koronavirusit teksa po vaksinohen në masë.
Dhe është po aq i rëndësishëm fakti që vaksinimi i shpejtë i fëmijëve, do të përmirësojë shanset tona për të dalë më shpejt nga kjo krizë. Siç e ka theksuar dr.Anthony Fauci dhe të tjerët, Shtetet e Bashkuara ka të ngjarë të kenë nevojë të vaksinojnë edhe fëmijët për të arritur imunitetin e tufës.
Testet klinike për të provuar se vaksinat janë të sigurta edhe për fëmijët, janë në proces e sipër. Por ne duhet të jemi të përgatitur për realitetin që këto teste nuk do të gjenerojnë të njëjtin rezultatet që dhanë testet e ngjashme tek të rriturit.
Për shembull, ne ndoshta nuk do ta mësojmë dot se sa të efektshme janë vaksinat në parandalimin e formës së rëndë të sëmundjeve tek fëmijët. Kjo sepse që të kuptosh nëse një vaksinë është efektive tek fëmijët, rezultati kryesor i testimeve duhet të jetë mjaftueshëm i zakonshëm në mesin e fëmijëve, për të përcaktuar nëse një vaksinë bën vërtet diferencën. Fatmirësisht, në këtë moment, forma e rëndë e Covid-19 është shumë e rrallë në mesin e fëmijëve. Ndaj testet me fëmijët në SHBA,do të përqendrohen kryesisht tek siguria dhe nëse vaksinat prodhojnë një reagim imunitar.
Nga këndvështrimet tona si shkencëtarë dhe klinicistë, testet janë të dizajnuara për t’i dhënë përgjigjen e duhur pyetjeve:A janë këto vaksina të sigurta për fëmijët ? Cila dozë prodhon një përgjigje imune mjaftueshëm të fortë, pa një numër të lartë të efekteve anësore shqetësuese?
Megjithatë problemi është se edhe rezultatet më të mira, mund të bëjë shumë pak për t’i motivuar prindërit të ndjejnë urgjencën mbi vaksinimin e fëmijëve të tyre fëmijë. Dhe kjo sepse shumë prindër e ndjejnë tashmë fëmijët e tyre janë të mbrojtur.
Ka që tani aludime që disa prindër mund të hezitojnë t’i vaksinojnë fëmijët e tyre. Një studim i ri – ende i paverifikuar nga kolegët – zbuloi se prindërit hezitojnë më shumë të marrin vaksinën Covid -19 krahasuar me ata që nuk janë prindërit, dhe se këto ndjenja mund të pasqyrojnë qëllimet e tyre për të vaksinuar fëmijët e tyre.
Kjo është arsyeja pse nevojitet një vlerësim i kthjellët i rreziqeve. Koronavirusi mund të vrasë1 në 10.000 të fëmijë të infektuar, edhe pse disa studime thonë se shkalla është më e ulët. Ky rrezik është dukshëm më i lartë se ai i efekteve anësore serioze, por të shërueshme, që mund të vijnë nga vaksinat.
Rreziku i formës së rëndë të Covid-19, është gjithashtu më i lartë tek fëmijët me sëmundje kronike. Ashtu si me çdo vaksinë, ne duhet të përgatitemi për gjasat e historive me fëmijë që sëmuren pas vaksinimit dhe që për këtë do të fajësohet vaksina. Dhe ne nuk mund të lejojmë që ato të sabotojnë fushatën e vaksinimit.
Ne duhet të shmangin nxjerrjen e historive jashtë kontekstit. Prindërit duhet të rrinë të qetë se sapo testet mbi fëmijët të jenë të plota dhe të dhënat të shqyrtohen nga Administrata e Ushqimit dhe Barnave (FDA), vaksina do të konsiderohet e sigurt për t’u shpërndarë tek fëmijët.
Duke supozuar që kjo do të ndodhë, ne do të duhet të shpëtojmë deri në vaksinimin e gjithë fëmijët, duke u kujdesur që të arrijmë tek çdo komunitetet. Këtu përfshihen edhe fëmijët jashtë shtetit, për shkak se çdo variant i dëmshëm i koronavirusit, që del diku tjetër do të mbërrijë në fund edhe tek ne.
Shënim: Jeremy Samuel Faust, është mjek në Departamentin e Mjekësisë Emergjente në Spitalin e Brigam në Boston. Angela Rasmussen, virologe në Qendrën për Shkencën dhe Sigurinë Globale të Shëndetit në Qendrën Mjekësore të Universitetit Xhorxhtaun. “The New York Times”/Bota.al