Kalo te përmbajtja
Koha Jone Logo
  • Të fundit
  • Lajme
  • Aktualitet
  • WebTV
  • Rajoni
  • Bota
  • Politikë
  • Kosova
  • Ekonomi
  • Showbiz
  • Sporti
  • Shqip
  • English
Lexo në app
  • Shqip
  • English
  • Të fundit
  • Lajme
  • Aktualitet
  • WebTV
  • Rajoni
  • Bota
  • Politikë
  • Kosova
  • Ekonomi
  • Showbiz
  • Sporti
  • Lajme
  • Aktualitet
  • Politikë
  • Forum
  • WebTV
  • Editorial
  • Kosova
  • Rajoni
  • Bota
  • Sporti
  • Ekonomi
  • Showbiz
  • Kultura
  • Shëndeti
  • Teknologji
  • Intervista
  • Kronikë
  • Turizëm
  • Sociale
  • Historiku
Lajmet e fundit

Gazeta "KOHA JONË" themeluar si e pavarur më datë 11 Maj 1991
Botues: Nikoll LESI. Adresa e redaksisë: Rruga "Sami Frasheri", Pallatet e Aviacionit të Vjetër Nr. 2, TIRANA - ALBANIA

Site by

Opsionet e pamjes

Pamje shembull E shtunë, 21 Nëntor 2026, 11:08 Belinda Balluku i bashkohet Asamblesë së PS-së së Tiranës, mbërrin në Akademinë e Arteve Ish-zëvendëskryeministrja Belinda Balluku ka mbërritur në ambientet e Akademisë së Arteve, ku po zhvillohet mbledhja e Asamblesë së Partisë Socialiste të Tiranës, e thirrur…
Pamja e bardhë/e zezë
Madhësia e tekstit
  • Në trend
  • Protesta
  • Elisa Spiropali
  • Erion Veliaj
  • Jakup Krasniqi
  • Alarm bombë
  • GTA VI
  • Superiore
  • Erkan Nika
Lajmet e fundit
Në trend
  • Protesta
  • Elisa Spiropali
  • Erion Veliaj
  • Jakup Krasniqi
  • Alarm bombë
  • GTA VI
  • Superiore
  • Erkan Nika
KOHA JONË Lajmet e fundit, gjithmonë me ju
Instalo

Kathimerini reportazh për tubimin e Ramës në Athinë: Shqiptarët e pritën me flamuj e pankarta

Aktualitet E martë, 14 Maj 2024 13:40
Kathimerini reportazh për tubimin e Ramës në Athinë: Shqiptarët e pritën me flamuj e pankarta
Shto te burimet e preferuara

Shpërnda

Facebook WhatsApp Email X

Prestigjiozja Kathimerini i ka kushtuar një reportazh të tërë tubimit të kryeministrit Edi Rama të dielën në Athinë, me diasporën shqiptare që jeton dhe punon në fqinjin tonë jugor prej më shumë se 3 dekadash. Në artikull thuhet se te “”Teatri i Krishtlindjeve” u mblodhën rreth 7 mijë shqiptarë, 2-3 mijë prej të cilëve të ardhur me autobusë nga Shqipëria, kryesisht nëpunës të administratës”. Kathimerini i kushton jo pak hapësirë entuziazmit të pranishmëve në “Galatsi” dhe mbështetjes që ata i dhanë kryeministrit Edi Rama.

“Me flamuj kuqezi, pankarta, fanella të stampuara me imazhin e Edi Ramës, këngë e valle patriotike dhe brohorima”, shkruan Kathimerini, “ishin momentet që ndezën atmosferën brenda sallës teksa Edi Rama ngjitej në podium për të mbajtur fjalimin”.

Duke u fokusuar te fjalimi i Edi Ramës, media greke thekson se kryeministri kujtoi vështirësitë me të cilat janë ndeshur emigrantët shqiptarë, raportet mes dy vendeve si dhe përmendi çështjen Çame.

Artikulli i plotë: 

“Kemi 30 vjet që presim një kryeministër, askush nuk ka ardhur të pyesë se çfarë po bëjmë”, – thotë për “Kathimerini” Iliana, e cila jeton në Athinë që nga viti 1994. Ajo qëndron jashtë stadiumit Olimpik të Galatsit, pak para të shumëpërfolurit fjalim të kryeministrit shqiptar Edi Rama .

Reklamë Reklamo në Koha Jonë
Reklamë Reklamo në Koha Jonë

“Edi erdhi për të na takuar”

“Jemi 500 mijë veta dhe i kemi dhënë këtij vendi aq sa na ka dhënë neve”, – thotë ajo duke pozuar me flamurin shqiptar në dorë për të shoqin. Sot në moshën 55-vjeçare Iliana punon si ndihmëse shtëpiake në një shtëpi në Psikiko, ndërsa ka marrë edhe kartën greke të identitetit. “Edi nuk do asgjë politike. Erdhi të na takojë, të shohë kush jemi”, – këmbëngul ajo duke vazhduar drejt hyrjes së stadiumit të mbyllur të Galatsit, ku ishin mbledhur 6 deri në 7 mijë shqiptarë.

ReklamëSwiss DigitalReklamo në Koha Jonë

Transporti i organizuar me autobusë

Është e diel. Ora 10 e mëngjesit dhe në ambientet e “Teatrit të Krishtlindjeve” po mbërrijnë burra të të gjitha moshave, si dhe gra e fëmijë. Shumica janë të veshur me të kuqe dhe të mbështjellë me flamurin shqiptar. Në parking autobusët kanë shumë lloje tabelash, Patra, Selanik, por edhe Tepelena, pasi edhe nga Shqipëria kanë ardhur për të mbështetur këtë event.

Mund t'ju interesojë

Dëbora mbulon malet e Bulqizës, mbërrijnë reshjet e para të dimrit

Dëbora mbulon malet e Bulqizës, mbërrijnë reshjet e para të dimrit

Para 1 ore
Harku triumfal i Trump bllokohet sërish nga një gjyqtare federale

Harku triumfal i Trump bllokohet sërish nga një gjyqtare federale

Para 1 ore
ERION VELIAJ MESAZH PËR ASAMBLENË E TIRANËS

ERION VELIAJ MESAZH PËR ASAMBLENË E TIRANËS

Para 1 ore

Turma është e madhe, por, siç më thonë, nuk erdhi e gjitha kaq spontanisht. Ka pasur edhe një transport të organizuar me autobusë nga vendi ynë fqinj, me rreth 2000 – 3000 persona, kryesisht nëpunës civilë të shtetit shqiptar, por edhe persona të deklaruar si mbështetës të Partisë Socialiste të Ramës.

“Mos ndërhyni në punët tona”

“Këta janë zyrtarë”, më thonë teksa më tregojnë një grup ndjekësish të Ramës që janë grumbulluar në hyrje dhe po bërtasin: “Edi, Edi”. Ata janë të veshur me bluza me printimin e fytyrës së kryeministrit dhe të rrethuar nga truproja, duke refuzuar t’u përgjigjen pyetjeve ndërsa qeshin në siklet. Vetëm kur unë them fjalën “Beleri” kthehen dhe të përgjigjen: “Mos ndërhy në punën tonë”.

Diskutimet venë e vijnë për kandidaturën e Belerit në zgjedhjet europiane të “Demokracisë së re”. Qëndrimet janë të ndara. “Çdo gjë bëhet për tokat” – bërtet një i moshuar duke mbajtur në dorë një flamur. Greqishtja dhe shqipja përzihen së bashku. “Oresti”, “Alexis”, “Genovefa” u bërtasin nënat fëmijëve të tyre duke i mbajtur fort për dore. E ndërsa tema e Fredi Belerit tejkalohet, gjaku është ndezur nga këngët tradicionale patriotike shqiptare. Në mikrofon është një këngëtare e njohur e folklorit shqiptar.

“Erdha për të parë prindërit e mi”

Festa nis të bëhet e tërbuar ndërsa beteja është se kush do të ulet në vendet e para. “Nëna Shqipëri të dua, jam larg prej vitesh, por nuk do të të harroj kurrë”, – këndon turma. “Këtë këngëtare e marrim nëpër dasma”, – thotë Chryssa, një 18-vjeçare, e lindur në Athinë, por që aktualisht jeton në Korçë. “Kam ardhur të shoh prindërit e mi dhe kam vendosur të vij të dëgjoj Edi Ramën, edhe pse nuk besoj tek ai”, – rrëfen ajo. “1/3 e banorëve të Shqipërisë janë të varfër, jemi të detyruar të jetojmë jashtë atdheut, nuk ka shpresë për ne të rinjtë”, – thekson ajo.

“Ai është modern dhe përparimtar Ai do të na çojë në BE”.

Pak metra më tutje, 16-vjeçari Memis nuk është dakord. “Ai është modern dhe progresiv. Më pëlqen”, – thotë i riu, i cili nuk ka jetuar kurrë në Shqipëri. “Do të na futë në BE” – shton. “Kush është ky Rama?” – pyet miku i tij egjiptian, i cili ka ardhur në këtë takim nga kurioziteti.

Pothuajse 3 orë më vonë dhe pasi u prezantua nga 8 folës, Rama u ngjit në skenë. Mes folësve ishte Ministrja e Shtetit e Shqipërisë, Elisa Spiropali, e cila ndër të tjera tha se kur ra regjimi komunist në Shqipëri “Greqia ishte atje, grekët bujarë ndanë bukë e kripë me ne”. Kur nisi Rama, shumica e njerëzve ishin tashmë të rraskapitur. Më fanatikët këndonin: “Edi, të dua”.

“Nuk kam ardhur për të provokuar”, – tha Rama, për t’iu përgjigjur dyshimeve të qeverisë greke, por edhe deklaratës së të burgosurit Fredi Beleri, i cili e akuzoi se erdhi në Athinë për të provokuar dhe trembur fshatrat grekë.

“Fëmijët e mi janë më shumë grekë se shqiptarë”

“Çfarë do të kërkojë nga ne tani?” – thotë Jolanda, e cila rriti dy fëmijë në Greqi dhe punon në një spital. “Ku ishin kur na duheshin? Ku ishin të gjithë? Fëmijët e mi janë më shumë grekë, sesa shqiptarë”, – thotë ajo teksa kryeministri shqiptar prek një tjetër çështje të vështirë, duke lënë shenja mprehta në çështjen e çamëve.

Megjithatë Rama nuk harroi të përmendë vështirësitë e emigracionit, ndërsa ka kërkuar mbështetje nga bashkatdhetarët e tij në zgjedhjet e vitit të ardhshëm, si dhe nga biznesmenët, të cilët i ftoi të investojnë në Shqipëri. “Tani na duan të kthehemi”, – thotë Aleksi nga Shkodra, me profesion taksist.

“Ju erdhët, luftuat, fituat!”

“Ju, shqiptarët e Greqisë, nuk jeni dorëzuar kurrë ndaj triumfuat, sepse jeni gjaku dhe shpirti i një kombi, që nuk e ka parë dhe nuk e ka tërhequr nën këtë qiell, por asnjë fuqi apo padrejtësi e kësaj bote nuk mund ta zhbëjë nga faqja e dheut. Erdhët, luftuat, fituat! Dhe mos e harroni kurrë. Me ligj dhe zakon, Greqia është e juaja sot si dhe e vetë grekëve. Bashkë me grekët, ju shqiptarët jeni europianët e Greqisë”, – përfundoi Rama fjalën mes këngëve shqiptare.

Shto te burimet e preferuara

Shpërnda

Facebook WhatsApp Email X

Më të fundit

Belinda Balluku i bashkohet Asamblesë së PS-së së Tiranës, mbërrin në Akademinë e Arteve
Para 19 minutash

Belinda Balluku i bashkohet Asamblesë së PS-së së Tiranës, mbërrin në Akademinë e Arteve

Rama dhe ministrja Spahiu prezantojnë paketën e re për mbrojtjen e fëmijëve nga dhuna dhe shfrytëzimi
Para 48 minutash

Rama dhe ministrja Spahiu prezantojnë paketën e re për mbrojtjen e fëmijëve nga dhuna dhe shfrytëzimi

Van Dijk e ardhmja në ajër, Milani ëndërron për mbrojtësin
Para 56 minutash

Van Dijk e ardhmja në ajër, Milani ëndërron për mbrojtësin

Asambleja e PS Tiranë, shtohen masat e sigurisë, kontrolle për anëtarët në hyrje
Para 1 ore

Asambleja e PS Tiranë, shtohen masat e sigurisë, kontrolle për anëtarët në hyrje

Më të lexuarat

1 Kryeministri dialog me studentët në Pallatin e Brigadave (video)
Para 12 orësh

Kryeministri dialog me studentët në Pallatin e Brigadave (video)

2 SPAK regjistron procedim penal ndaj Elisa Spiropalit për fshehje pasurie
Para 14 orësh

SPAK regjistron procedim penal ndaj Elisa Spiropalit për fshehje pasurie

3 Rrumpallhane në PS!
Para 16 orësh

Rrumpallhane në PS!

4 Ja si ruhet me roje Jakup Krasniqi!
Para 12 orësh

Ja si ruhet me roje Jakup Krasniqi!

Koha Jone Logo

E përditshme, e pavarur

  • Të fundit
  • Lajme
  • Aktualitet
  • WebTV
  • Rajoni
  • Bota
  • Sporti
  • Showbiz
  • Politikë
  • Forum
  • Kultura
  • Shëndeti
  • Editorial
  • Kronikë
  • Teknologji
  • Ekonomi
  • Turizëm
  • Sociale
  • Reklamo në Koha Jonë
  • Kontakt
  • Privacy Policy
Download on the App Store Get it on Google Play

Gazeta "KOHA JONË" themeluar si e pavarur më datë 11 Maj 1991
Botues: Nikoll LESI. Adresa e redaksisë: Rruga "Sami Frasheri", Pallatet e Aviacionit të Vjetër Nr. 2, TIRANA - ALBANIA

Site by
  • BOTUES & DREJTOR: Nikoll LESI
  • KRYEREDAKTOR: Daniel MUÇAKU
  • ZV/KRYEREDAKTOR: Redjon SHTYLLA
  • BORDI: Elsa KAMBERI, KRYETARE
  • NIPT: J71425013C

© 2026 KOHA JONE. All rights reserved.