Prefektura e qarkut Tiranë nën kujdesin e kreut të saj, Shkëlqim Hajdari, do të organizojë nesër (24 qershor), veprimtarinë përkujtimore me rastin e 100-vjetorit të krijimit të Prefekturës së Tiranës, një institucion me rëndësi të veçantë në historinë e administratës shtetërore shqiptare. Aktiviteti do të nisë në orën 19:00 me pritjen e të ftuarve dhe vizitën në Ekspozitën Fotografike Historike të Prefekturës së Tiranës, ku do të ekspozohen fotografi dhe dokumente arkivore që pasqyrojnë historinë dhe veprimtarinë e institucionit përgjatë një shekulli. Veprimtaria synon të vlerësojë kontributin 100-vjeçar të Prefekturës së Tiranës në shërbim të shtetit, institucioneve dhe qytetarëve, si dhe të sjellë në vëmendje rrugëtimin historik dhe rolin e saj në zhvillimin e administratës publike shqiptare. Aktiviteti do të përmbyllet me një koktej rasti.
PROGRAMI I VEPRIMTARISË
100-VJETORI I PREFEKTURËS SË TIRANËS
24 Qershor 2026
Prefekti i Qarkut Tiranë
Moderatore: Znj. Suela Demiri
19:00-19:30-Pritja e të ftuarve dhe vizita në Ekspozitën Fotografike Historike të Prefekturës së Tiranës, me fotografi dhe dokumente arkivore që pasqyrojnë historinë dhe veprimtarinë e institucionit ndër 100 vite.
19:30-Himni Kombëtar i Republikës së Shqipërisë
19:35-Hapja e veprimtarisë-Nga moderatorja, Znj. Suela Demiri.
19:40-Fjala përshëndetëse (5 minuta)-Z. Shkëlqim Hajdari, Prefekt i Qarkut Tiranë-Tema: “Tirana, Kryeqyteti i Shqipërisë – 100 Vjet Prefekturë”
19:45-Fjalë përshëndetëse (5 minuta),Sh.T.Z. Bajram Begaj, President i Republikës së Shqipërisë
19:50-Fjalë përshëndetëse (5 minuta) Z. Ruzhdi Keci-Ish-Prefekt i Tiranës (2005–2009)
19:55-Referat (5 minuta)-Prof. Nevila Nika-Tema: “Historiku i Krijimit të Prefekturës së Tiranës”
20:00-Referat (5 minuta)-Prof. Dr. Ago Nezha-Këshilltar i Prefektit-Tema: “Fuqizimi i Rolit të Prefektit si Urë Lidhëse ndërmjet Pushtetit Vendor dhe Qytetarëve”
20:05-Mbyllja e veprimtarisë
20:10-Koktej rasti