Liqeni i Shkodrës, liqeni më i madh në Ballkan dhe pjesë e Rrjetit Botëror të Rezervave të Biosferës të UNESCO, vijon të prezantohet si një nga pasuritë më të rëndësishme natyrore të Shqipërisë.
Teksa ka postuar foto në Facebook, kryeministri Edi Rama shkruan se bukuria e jashtëzakonshme e këtij ekosistemi, peizazhet unike dhe biodiversiteti i pasur që e bëjnë liqenin një destinacion të veçantë për vizitorët vendas dhe të huaj.
”Liqeni më i madh në Ballkan, pjesë e Rrjetit Botëror të Rezervave të Biosferës të UNESCO-s, është një thesar natyror me biodiversitet të jashtëzakonshëm, ku peizazhet magjepsëse dhe pasuria e florës e faunës e bëjnë një nga destinacionet më të veçanta të Shqipërisë”,-shkruan Rama.
Liqeni i Shkodrës shquhet për larminë e florës dhe faunës, veçanërisht për numrin e madh të specieve të shpendëve dhe rëndësinë e tij ekologjike në rajon. Përveç vlerave natyrore, zona përreth liqenit ofron edhe mundësi për zhvillimin e turizmit të qëndrueshëm.
Ky destinacion vijon të jetë një nga pikat më të rëndësishme të promovimit të bukurive natyrore shqiptare, duke tërhequr vëmendjen për mbrojtjen dhe ruajtjen e trashëgimisë natyrore.