Kryeparlamentari Niko Peleshi hodhi në votim propozimin e Taulant Ballës për të shtyrë pikat e seancës ditën e enjte. Shtyrja e seancës u miratua me 76 vota pro dhe 25 kundër. Deputetët e Partisë Demokratike bllokuan disa herë foltoren e Kuvendit për të mos lejuar Avokatin e Popullit, Endri Shabani që të raportojë. Sipas tyre Shabani nuk mund të flasë para deputetëve për shkak se çështja e emërimit të tij në këtë detyrë është dërguar në Gjykatën Kushtetuese.
”Rendin e ditës e shpall kryetari i Kuvendit, nuk mund të vendosim pas 7 orësh si do ta bëjmë aq më keq në presionin e bllokimit fizik të foltores. Nuk i vlen askujt. Si mund të bllokosh Kuvendin se nuk të pëlqen dikush?
Ju thoni është antikushtetues se e shpall unë, të ligjshëm a të paligjshëm e shpallin gjykatat. Nëse do të ishte pranuar nga GJK do ta zbatonim, unë i pari dhe gjithë të tjerët. S’kemi vendim pezullimi, kur të shqyrtohet do të respektohet vendimi i GJK.
Rendi i ditës nuk mund të ndryshojë gjatë ditës së seancës vetëm sepse kemi bllokim fizik të foltores, do të ishte fundi i parlamentarizmit. Ju e Balla s’keni asnjë tagër të vendosni rendin e ditës të seancës pasardhëse. Keni të drejtë të propozoni, marr si të bazuar në rregulloren propozimin e Ballës për shtyrjen e pikave të kësaj seance ditën e enjte. Jam i detyruar ta hedh në votim të hapur me karton”, tha Peleshi.
Lexoni edhe:
Balla thumbon Berishën për datën e lindjes: Ka ndryshuar datën, një ditë para diktatorit
VIDEO/ Flamur Noka tenton të shkojë tek vendi i kryeparlamentarit Peleshi
Tensionohet situata në Kuvend, deputetët e PD-së bllokojnë foltoren
Protesta para Kuvendit hyn në një fazë të re, nga përgjegjësia kolektive te përgjegjësia individuale