Duket si çdo plazh tjetër më rërë të bardhë, por nëse e shikoni nga afër do ta kuptoni që gurët e tij janë të veçantë. Plazhi ndodhet në ishujt Kanarie dhe është bërë i famshëm në rrjetet sociale nga blogerët dhe turistët që e quajnë “Popcorn Beach”, në shqip “Plazhi i kokoshkave”.
Plazhi me gurët që janë si kokoshka është i vendosur në Corralejo, një qytet në ishullin Fuerteventura. Korali i bardhë, i cili është gërryer nga deti dhe është hedhur në breg, është përzier me rërën e zezë dhe shkëmbinjtë duke e bërë atë të duket si kokoshka.
Ishulli Fuerteventura është i dyti më i madhi nga ishujt Kanarie të Spanjës, ku më i madhi i ishujve është Tenerife.
