Monitoruesi digjital për foshnjat që përdoret në familje, është i rrezikshëm. Inspektorati Shtetëror i Mbikëqyrjes së Tregut, ka lajmëruar se ky produkt me emrin “Monitor video dixhital për bebe (Avent Digital Video Baby Monitor) Marka: Philips; Modeli: SCD620, nuk i përmbush standardet në treg dhe mund të krijoj dëme.
Sipas ISHMT konsumatorët shqiptarë që e posedojnë një pajisje të tillë ose të tjerë të interesuar, të mos e blejnë apo ta kthejnë produktin.
Rrezikshëmria e produktit në fakt është lajmëruar nga vetë kompani prodhuese PHILIPS e cila nëpërmjet një letre njoftimi kërkon tërheqjen nga tregu të produktit të prodhuar në periudhën Janar 2016 – Mars 2018. Ajo ka ka zbuluar që në raste shumë të rralla, bateria në njësinë qëndrore mund të mbinxehet. “Ky mund të jetë një rrezik potencial zjarri dhe nga kombinimi i shkallës së dëmtimit dhe probabilitetit ka rezultuar që i përket rrezikut të ulët.”
Më herët, ISHMT kishte lajmëruar se janë bllokuar mbi 10 mijë produkte lodra, të cilat janë shkatërruar.
ISHMT iu ka kërkuar të gjithë kompanive, e bizneseve që importojnë, apo tregtojnë produkte të tilla të jenë me markim CE. Qytetarët ndërkohë që para se të blejnë produkte të verifikojnë nëse ato kanë markimin CE në kutitë e ambalazhimit.