Kryeministri Edi Rama ka ndarë pamje nga Erseka Solar Park, për të cilin shkruan se është një investim me rëndësi. Sipas kreut të qeverisë, kjo punë bëhet për ta bërë Shqipërinë eksportues neto të energjisë deri në vitin 2030.
”Erseka Solar Park, një tjetër investim i rëndësishëm në fushën e energjisë së rinovueshme. Me një prodhim prej 50 mln kWh në vit, do të sigurojë energji për rreth 12 mijë familje.
Teknologji moderne dhe miqësore me ambientin, me një impakt të rëndësishëm social-ekonomik për zonën dhe më gjerë. Diversifikojme burimet e prodhimit të energjisë, duke rritur sigurinë energjetike, drejt objektivit për ta bërë Shqipërinë eksportues neto të energjisë deri në vitin 2030”,-shkruan Rama.
