Kryeministri Edi Rama ka ironizuar opozitën ditën e sotme lidhur me strategun i PD-së për fushatën, amerikanin Chris LaCivita.
Rama e cilësoi LaCivitën si turist që vjen në Shqipëri për të marrë para (dollarë): “Ne kemi ato 300-ditëshat e brendshëm që çdo 300 ditë, të rinovohet programi, çdo ministri, çdo ministër, çdo ekip, çdo institucion i pavarur. Nuk është muhabet kënete që hajde po mblidhemi, po bëjmë një program po marrim dhe sherifin.
Po na vjen dhe sherifi! Turistë, janë të gjithë të mirëpritur të vinë, po këta turistët që marrin kaq shumë para dhe s’i i marrin është një pyetje më vete. Ku gjenden gjithë ato para për këta lloj turistësh, megjithatë të vijnë. Bujrum, të vijnë! Ja erdhi dhe 11 maji në fakt, dhe aty do duken qartë dhe pastër që të gjitha gjërat”, tha Rama ditën e sotme në rubrikën e tij “Sy m’sy” në rrjetet sociale.