Në fazën e parë të programit të rehabilitimit ka përfunduar rikonstruksioni në 80 qendra shëndetësore ndërsa 100 qendra të tjera do rehabilitohen deri në fund të këtij vitit.
Ministrja e Shëndetësisë dhe Mbrojtjes Sociale, Ogerta Manastirliu publikon pamjet nga gjendja para rikonstruksionit të qendrave shëndetësore në Durrës dhe situatës pas rehabilitimit. Sipas Manastriliut, programi i rehabilitimit të 100 qendrave të tjera shëndetësore do të sigurojë shërbim shëndetësor cilësor për qytetarët.
“Si ishin dje dhe si janë sot qendrat shëndetësore në Durrës. Me programin e rehabilitimit të 300 qendrave shëndetësore është përmirësuar shërbimi shëndetësor për qytetarët duke e bërë atë më cilësor, të aksesueshëm dhe me standarde. 80 qendra kanë përfunduar në fazën e parë. 100 do rehabilitohen deri në fund të vitit. Puna Vazhdon”, -thotë ministrja.
Vlera totale e investimit në 6 qendra shëndetësore në qarkun e Durrësit është mbi 22 milionë lekë dhe përfitues janë mbi 63 mijë banorë.