Shqipëria do të performojë sonte në gjysmëfinalen e dytë të festivalit madhështor evropian, “Eurovision Song Contest”. Besa Kokëdhima do të ngjitet në skenë me këngën “Titan” dhe këndon e dyta me renditje. Këngëtarja e cila ka bërë disa modifikime në këngë nga versioni i parë, pritet të rrëqeth publikun me performancën e saj elektrizuese; kështu së paku është parë nga pamjet e provave. Eurovisioni këtë vit po mbahet në Malmo të Suedisë pas fitores triumfuese të Loreen në edicionin e vitit të kaluar.