Ylli i Chelseat, Cole Palmer, ka zgjedhur Republikën Dominikane për të kaluar disa ditë pushimi me partneren e tij, Olivia Holder. Sulmuesi anglez mbeti jashtë grumbullimit të përfaqësueses së Anglisë për shkak të disa shqetësimeve fizike të konstatuara nga stafi mjekësor.
Cole Palmer ka përfituar nga ndërprerja e kampionateve për shkak të angazhimeve të kombëtareve në Ligën e Kombeve për të kaluar disa ditë relaksi larg futbollit. Ylli i Chelseat udhëtoi drejt Republikës Dominikane, ku kaloi pushimet në shoqërinë e partneres së tij, Olivia Holder.
Udhëtimi vjen pas vendimit për ta lënë jashtë grumbullimit të kombëtares së Anglisë. Stafi mjekësor i përfaqësueses angleze kishte konstatuar disa probleme fizike te futbollisti, duke bërë që ai të mos ishte pjesë e skuadrës për ndeshjet e kësaj periudhe.
Në këto kushte, Palmer ka shfrytëzuar ditët e lira për t’u shkëputur përkohësisht nga presioni i futbollit dhe për të kaluar kohë me partneren e tij.
