Shorti për fazën kualifikuese të Euro 2028 pritet të zhvillohet në dhjetor të vitit 2026, ndërsa tashmë kanë nisur të qarkullojnë projeksionet për ndarjen e skuadrave në vazo.
Sipas skenarit të paraqitur, ku renditja e grupeve të UEFA Nations League 2026/27 do të përfundojë në përputhje me pozicionet aktuale ose të parashikuara, Shqipëria dhe Kosova do të jenë pjesë e vazove të ndryshme.
Shqipëria pritet të jetë në vazon e katërt, së bashku me Estonia, Qipron, Moldavinë, Bjellorusinë, Luksemburgun, Armeninë, Ishujt Faroe, Kazakistanin, Bullgarinë, Letoninë dhe San Marinon.
Në një situatë të tillë, kuqezinjtë do të shmangnin skuadrat e tjera të së njëjtës vazo, ndërsa në grup mund të përballeshin me kundërshtarë të niveleve më të larta, në varësi të shortit.
Ndërkohë, Kosova projektohet në vazon e dytë, një pozicion dukshëm më i favorshëm në aspektin e shortit. “Dardanët” renditen në të njëjtën vazo me Uellsin, Serbinë, Turqinë, Çekinë, Zvicrën, Suedinë, Austrinë, Poloninë, Bosnjë-Hercegovinën, Ukrainën dhe Skocinë.
Në vazon e parë, sipas projeksioneve, do të jenë disa prej emrave më të mëdhenj të kontinentit, si Portugalia, Spanja, Franca, Holanda, Anglia, Belgjika, Gjermania, Italia dhe Kroacia.
Në vazon e tretë parashikohen ekipe si Irlanda, Hungaria, Sllovenia, Gjeorgjia, Rumania, Maqedonia e Veriut, Mali i Zi, Sllovakia dhe Finlanda, ndërsa vazoja e pestë do të përbëhet nga gjashtë skuadra.
Megjithatë, bëhet fjalë për projeksione paraprake. Përbërja përfundimtare e vazove do të përcaktohet pas përfundimit të fazës përkatëse të Nations League dhe kritereve zyrtare të UEFA-s.
