Java e 16-të e Serie A më në fund erdhi fitorja e parë sezonale për Fiorentinën, e cila sheh këtë sukses si pikënisjen e një rikthimi të vështirë drejt zonës së shpëtimit. Vjollcët shfrytëzuan në mënyrën më të mirë të mundshme epërsinë numerike, pas përjashtimit të Okoye që në minutën e 7-të, duke e mposhtur bindshëm Udinesen me rezultatin 5-1.
Skuadra mike u shfaq e shpërqendruar dhe larg nivelit të saj, ndërsa Fiorentina dominoi takimin në “Artemio Franchi”, ku protesta fillestare e tifozëve u kthye shpejt në duartrokitje.
Në qendër të vëmendjes ishin Gudmundsson dhe Fagioli, autorë të një paraqitjeje të shkëlqyer, ndërsa u zhbllokua edhe Moise Kean, i cili realizoi dy gola. Një fitore e thellë dhe e rëndësishme për Fiorentinën, që rikthen besimin dhe shpresat për një ngjitje në renditje në vijim të sezonit.
