Mauro Icardi ka fituar një betejë të rëndësishme ligjore ndaj ish-bashkëshortes së tij, Wanda Narës. Gjykata e Milanos ka zyrtarizuar divorcin mes tyre, duke rrëzuar kërkesat financiare të showgirl-it argjentinas, i cili kishte kërkuar shuma të konsiderueshme mujore.
Sipas vendimit të gjykatës, Wanda Nara nuk do të përfitojë as 100 mijë euro në muaj si pagesë pas divorcit dhe as 250 mijë euro mujore si detyrim për mbështetje financiare.
Arsyetimi i gjyqtarëve lidhet me gjendjen ekonomike të Narës, pasi sipas vendimit, të ardhurat dhe pasuria e saj janë të mjaftueshme për të siguruar pavarësinë financiare.
Gjykata hodhi poshtë gjithashtu pretendimin se Wanda kishte sakrifikuar karrierën profesionale gjatë martesës me futbollistin. Sipas arsyetimit, ky pretendim nuk u provua, ndërsa u theksua se fama e saj në Itali ishte rritur ndjeshëm gjatë lidhjes me Icardin, i cili në atë periudhë ishte lojtar dhe kapiten i Interit.
Pas vendimit, sulmuesi argjentinas reagoi në rrjetet sociale, duke shprehur kënaqësinë për përfundimin e procesit.
“Sot festoj këtë vendim dhe fillimin e një etape të re”, shkroi Icardi.