Mesfushori i Kombëtares shqiptare, Adrion Pajaziti, ka qenë protagonist në javën e 28-të të kampionatit kroat në përballjen mes Hajduk Split dhe Istra 1961.
Në minutën e 51-të të takimit, Pajaziti realizoi një gol me një goditje të fortë dhe precize nga jashtë zone pas një rrotullimi teknik, duke dërguar shifrat në 2-0 dhe duke mbyllur praktikisht sfidën për ekipin e tij.
Ky realizim vjen pas grumbullimit të tij me Kombëtaren shqiptare nga trajneri Silvinjo për ndeshjen e “Play-Off”-it të Kupës së Botës kundër Polonisë në Varshavë.
Ndonëse ishte i gatshëm për atë takim, Pajaziti nuk u aktivizua për asnjë minutë, ndërsa u aktivizua si zëvendësues në miqësoren me Ukrainën.