Real Madrid merr një fitore të rëndësishme 2-1 ndaj Alaves në ndeshjen e zhvilluar në stadiumin Santiago Bernabéu, në kuadër të javës së 33-të të La Liga.
Me këtë sukses, madrilenët e çojnë kuotën në 73 pikë në vendin e dytë, duke ngushtuar përkohësisht diferencën në 6 pikë me kryesuesit e Barcelonës. Nga ana tjetër, Alaves mbetet në vendin e 17-të me 33 pikë, ende në zonën e rrezikut.
“Los Blancos” kaluan në avantazh në minutën e 30-të falë një goditjeje nga distanca të Kylian Mbappé, e cila u devijua nga një mbrojtës kundërshtar duke mashtruar portierin. Në fundin e pjesës së parë, në minutën e 44-t, mbrojtësi Éder Militão u detyrua të largohet nga fusha për shkak dëmtimi.
Në pjesën e dytë, Vinícius Júnior dyfishoi shifrat në minutën e 50-të me një gol spektakolar nga jashtë zone, duke i dhënë qetësi skuadrës vendase.
Megjithatë, Alavés reagoi dhe krijoi disa raste të rrezikshme, veçanërisht në minutat e fundit, por pa arritur të finalizojë, falë paraqitjes së shkëlqyer të portierit Andriy Lunin dhe edhe ndihmës së shtyllës në disa raste.
Në minutën 90+2, miqtë arritën të ngushtojnë diferencën me golin e shënuar nga Toni Martínez, por pa mundur të shmangin humbjen në “Bernabéu”.