Donald Trump i shkruan Vuçiç: Normalizoni marrëdhëniet me Kosovën
Shtetet e Bashkuara të Amerikës kërkojnë nga Serbia normalizimin e marrëdhënieve me Kosovën. Kërkesa i është dorëzuar personalisht nga presidenti i SHBA, Donald Trump presidenti të Serbisë, Aleksandër Vuçiç, në mesazhin e urimit që i ka dërguar për festën e pavarësisë.
Urimin e personalizuar, Trump ia ka dërguar Vuçiç nëpërmjet ambasadorit amerikan në Serbi, Anthony Godfrey.
“Normalizimi i marrëdhënieve me Kosovën duhet të jetë prioritet në rrugën e integrimit evropian të Serbisë. Në të ardhmen, mund të mbështeteni tek përkrahja e SHBA-së në rrugën tuaj për arritjen e synimit, anëtarësimin në BE si dhe përpjekjeve për fuqizimin e reformave që janë të nevojshme për të arritur deri tek caku i dëshiruar”, i shkruan Trump në letrën për presidentin e Serbisë. Serbia feston Ditën Kombëtare në 15 shkurt.
