10 vjet pa Panajot Panon, Presidenti Meta: Frymëzim për brezat

Në 10 vjetorin e ndarjes nga jeta, të një prej legjendave të futbollit shqiptar, Panajot Pano, Presidenti i Shqipërisë Ilir Meta e ka përkujtuar duke shpërndarë edhe një video të tij. Me anë të një reagimi në rrjetet sociale, Kreu i shtetit, shkruan se Pano do të mbetet gjithmonë një shembull frymëzimi për të gjithë brezat.

”Edhe pse kanë kaluar 10 vjet nga ndarja me Mbretin e futbollit shqiptar, Panajot Pano, ai do të mbetet gjithmonë një shembull frymëzimi për të gjithë brezat e sportistëve tanë”.

Karriera e shkëlqyer e Panajot Panos është shoqëruar padyshim edhe me çmime të shumta individualë ku përfshihen cmimi ‘Mjeshtër i Merituar i Sportit’, ‘Lojtari më i mirë i të gjitha kohërave’ i dhënë në 2003 nga FSHF, Lojtari i Shekullit” i akorduar nga Uefa/Fifa, ‘Nderi i Kombit’ i dhënë nga ish presidenti republikës Bamir Topi në 2009 dhe “Simboli Qytetit të Tiranës” titull i dhënë në 2017 nga kryetari Bashkisë Erion Veliaj.