Albin Kurti dhe Sali Berisha mund t’i prishin humorin Edi Ramës me 16 tetor

Kryeministri Edi Rama po merret seriozisht me datën 16 tetor ku do të vijnë udhëheqësit e Europës në Tiranë. Ndërkohë kryeministri Kurti e ka konfirmuar pjesmarrjen në këtë datë, por ka mundesi që pjesmarrja e tij kur ka përballë edhe Presidentin serb Vuçiç, do ta kthejë takimin në një përplasje epokale. Albin Kurti do të kërkojë që në fillim ndëshkimin e Serbisë.

Për herë të parë samiti i Procesit të Berlinit do të mbahet jashtë kufijve të Bashkimit Evropian. Kryeqyteti i Shqipërisë, Tirana, më 16 tetor do të jetë pritës i gjashtë liderëve të Ballkanit Perëndimor dhe udhëheqësve kryesor të BE-së, kancelarit gjerman Olaf Scholz, presidentit francez, Emmanuel Macron dhe kryetares së Komisionit Evropian, Ursula von der Leyen.

Këshilltari i kryeministrit kosvar, Jeton Zulfaj ka thënë sot për Express: “Me 16 tetor do të kemi samitin e liderëve në kuadër të Procesit të Berlinit, ku do të marrë pjesë kryeministri i Kosovës, Albin Kurti”.

Ndërkohë mësohet se ish-kryeministri Berisha dhe krejt drejtuesit e partive opozitare po diskutojnë që me datë 16 tetor do të thërrasin popullin në një protestë të madhe opozitare kundër Kryeministrit Rama.